Wiersz o Wiośnie po śląsku
Wiersz napisać mom o wiośnie .
Pjyknie śwjyżo i radośnie
Ale problym mom z zacznyciym,
Nie wjym co s tym całym kwjyciym
Zrobić co w zegrodzie stoji.
Jakoś pszczoła nektar doji
Jeszcze cało rozespano...
A ta klara dzisio rano
W pukiel grzoła jak najynto!
Czy je dzisio jaki śwjynto?
W zeszłym tydniu było bioło
Śniega wszyndy na około!
A tu pjyknie wszysko rośnie...
Przeca pisać mom o wiośnie!
Już sie chytom, już zaczynom!
Nic do gowy nie przichodzi;
Rym tak łatwo sie nie rodzi.
Jak mom myślec, jak ptok śpjywo,
A słoneczko durch przigrzywo?
Loto w lufcie już biedronka,
Na zimioku siedzi stonka.
Użar kopruch w prawe ucho,
Żab już żaba w wodzie dmucho,
Szmaterlok goni motylka
I dopadnie go za chwilka,
Muchy wyczyniajom harce
W kuchni siodajom na garce ,
Juzaś godom farmazony,
Bydzie kieryś zaś zgorszony!
Przeca zimiok je we grodzy,
Nima jeszcze posadzony!
Cilip pogoniył cilipa,
Polecieli kajś na lipa
Coby odprawić amory,
Jo już tyż je cołki chory...
Krew sie burzi , herc mi rośnie...
Dyć wiersz pisać mom o wiośnie!
A tu pustka yno w gowie
Cosik zaś tam szmyro w trowie...
Ja ! to żuczek wloz na żuczka
Pies po placu goni suczka!
Owca porcho sie w oborze
Ecik z Bertom juzaś może.
Frelki ściepły już galoty,
Co jo godom za gupoty!
A somsiadka z noprzeciwka,
Pjykno ś nij je richtig dziywka
Tyż wylazła w roku mini.
Jeszcze trocha i w bikini
Byda mog podziwiać frelka ...
Babie mojij dołech nelka,
Bo wiosynne mo humory.
Nowe kupić chce klamory
Bo te stare już ni modne.
I ij nie pasujom żodne,
Ale pedzieć nie chce tego.
Krowa sie we chlywie biego,
Świnia kwiczy , kokot pjeje
Ludzie co sie tukyj dzieje?
Mjołech pisać wiersz o wiośnie!
A mi wyszło jakoś sprośnie! ***
jak mialam wolne to plecak i sruu w europe albo lecialam do azji..slabo chyba polske znam
, jedynie k-kow, gory i mazury no i kaszuby jakby nie bylo
ups ale wtopa to jednak jakies miejsce
